#拎2026年山曆最後機會【二月山曆｜衞奕信徑第二段。黃泥涌水塘至藍田】
衞奕信徑三十歲喇！呢條貫穿香港南北、全長78公里嘅長途遠足徑，自啟用以嚟，為無數香港人同遊客留下美好回憶。衞奕信徑唔單止係一條山徑，更係一條連繫城市與自然嘅脈絡，每一段都承載不同篇章：壯麗景色、歷史遺蹟、自然生態，編織成香港獨有嘅山、海、城風光。
二月山曆，嚟到集美景同史蹟於一身、充滿驚喜嘅第二段，喺途中無論向前凝視抑或駐足回望，幾乎每個轉身都係令人動容嘅壯麗景致。起步無耐喺天梯上回望，已見遠處港島南無際海景。到達渣甸山觀景台後，維港兩岸180度全景撲面而嚟，隨後畢拉山石礦場、大潭水塘等景色緩緩展開，轉入小馬山後，回望柏架山、畢拿山層巒疊翠，直至下降到金督馳馬徑前，城市同群山天際線都一路相陪，港島東、九龍東城景近在咫尺，天朗氣清時仲可以遠眺獅子山同大帽山。尾段到達鰂魚涌樹木研習徑後，山景一轉，林木蔽日，先後經過日軍地道、戰時爐灶、昔日太古工業城吊車遺址，同起點附近嘅奧斯本紀念碑似乎遙相呼應，令人回想起一段段深埋山中嘅歷史故事。
提提你：
衞奕信徑第二段屬中難度路線，路程約6.6公里，首4公里攀升約350米，需要一定體力及經驗
小馬山一帶部分路段沙石較多及崎嶇不平，請小心行走，注意安全
農曆新年前後，可於此段欣賞吊鐘花
請帶備充足飲用水、防曬用品、食物及裝備；山上當風，請注意保暖，帶備足夠禦寒衣物
必須結伴同行，計劃行程，天黑前落山
出發前務必留意天氣預告；出發後亦要時刻注意天氣情況
第二段的正式終點為藍田站，大家亦可於英皇道乘搭公共交通工具離開
最後機會拎山曆！ 由即日起至2月1日（星期日），完成以下步驟，就有機會成為100位得獎者之一，獲得由郊野公園之友會贊助嘅2026年衞奕信徑山曆同埋紀念布章！
即刻：
Like & Share 呢個Post到個人專頁
喺呢個Post留言位置Tag兩個朋友入嚟一齊
寫低 #衞奕信徑 (第二段) 你最喜愛嘅風景？ (分享埋親身影嘅相會更大機會拎到山曆！)
*參加者或需於指定日期內出示已Share 此帖文嘅證明，以核實獲獎資格。
條款及細則 ( bit.ly/46w9dsS )
山曆可以按以下連結下載 ( bit.ly/3ktCvCY )
(教材2026 山曆2月－衞奕信徑第二段。黃泥涌水塘至藍田)
圖片及資料來源：
香港郊野公園