郊野有禮送山曆【百年水壩．無字石碑│解鎖港島徑第七段】港島徑第七段引領大家穿梭靜謐山林、大潭港以及上世紀嘅歷史遺跡！
第七段全長7.5公里，係港島徑八段中第二長嘅一段，以大潭道為起點，主要沿引水道、圍繞大潭港而行，由初段多林蔭漸轉豁然開朗，最後需要登上天梯到石澳道終點。出發前，記得先欣賞法定古蹟－宏偉嘅大潭篤水塘水壩。壩上12條大型溢洪道、半圓形花崗石柱支撐嘅拱券，穩固承托上面繁忙嘅道路；每逢雨季，水壩洩洪氣勢磅礴，成為攝影愛好者必到嘅「打卡熱點」！
之後沿引水道行，被蔚藍嘅大潭灣同翠綠嘅山巒環抱！到中段(標距柱H075)可加插支線登上石碑山（來回1.2公里，攀升100米），探訪高約9米嘅「大潭無字碑」。據說建於19世紀末至20世紀初，與對岸白筆山山腳嘅方尖碑延伸成一直線，用以標誌航道、校正船隻羅盤，見證香港早期海事歷史。沿路折返港島徑繼續前行，大潭港沿岸內港村落漸入眼簾，彷彿一窺被時光遺忘嘅古老漁村。一路走去到土地灣村左轉上天梯，上到頂嘅石澳道就完成第七段啦。
即刻去片，齊齊解鎖港島俓第七段！
郊野有禮送！由即日起至1月21日（星期三），完成以下步驟，就有機會成為100位得獎者之一，獲得由郊野公園之友會贊助嘅2026年衞奕信徑山曆同埋紀念布章！
即刻：
1.Like & Share 呢個Post到個人專頁
2.喺呢個Post留言位置Tag兩個朋友入嚟一齊「解鎖港島徑」
3.寫低 #港島徑第七段 令你覺得最獨特嘅風景？ (分享埋親身影嘅相會更大機會拎到山曆！)
*參加者或需於指定日期內出示已Share 此帖文嘅證明，以核實獲獎資格。
條款及細則 ( bit.ly/49DQITf )
圖片及資料來源：
香港郊野公園