#郊野有禮送山曆【登峰跨城影，步步皆風光│解鎖港島徑第五段 】第五段係港島徑八段之中攀升最多、難度高嘅一段，全程上上落落，連登渣甸山、畢拿山！但努力絕對有回報 — 目不暇給、豐富多樣嘅美景！加上今年適逢衞奕信徑啟用30周年，呢段與衞奕信徑第二段部份重疊，啱晒新一年登高望遠好開始！
第五段起點喺黃泥涌峽，先沿大潭水塘道上斜路經過黃泥涌水塘花園，到港島徑、衞奕信徑嘅大牌樓轉入去，首站奧斯本紀念碑－喺二戰香港戰役期間，黃泥涌峽係激烈嘅戰場，守軍約翰奧斯本為保護同袍以身軀覆蓋日軍手榴彈犧牲，紀念碑永誌奧斯本嘅英勇精神🫡。隨後登上433米嘅渣甸山，喺觀景台可以盡覽維港兩岸繁華、對岸九龍群山「世一」景色。然後開始落去前畢拿山石礦場山坳，風光由華麗城市轉進恬靜郊野，慢慢步近大潭嘅綠意悠然。落到山坳稍作休息就上畢拿山。畢拿山觀景點一邊是維港兩岸城市，一邊俯瞰大潭水塘被群山環抱，「半邊山半邊城」－正正是香港郊野公園嘅最獨特風景。最後，落到第五段終點大風坳，「既是終點亦是起點」－1985年港島徑啟用禮喺度舉行，而港島徑大標柱同啟用石碑，40年來應該同無數山友影過合照！即刻去片解鎖第五段！
郊野有禮送！由即日起至1月7日（星期三），完成以下步驟，就有機會成為100位得獎者之一，獲得由郊野公園之友會贊助嘅2026年衞奕信徑山曆同埋紀念布章！
即刻：
1.Like & Share 呢個Post到個人專頁
2.喺呢個Post留言位置Tag兩個朋友入嚟一齊「解鎖港島徑」
3.寫低 #港島徑第五段 眾多美景中，邊個景色令你百看不厭！(分享埋親身影嘅相會更大機會拎到山曆！)
*參加者或需於指定日期內出示已Share 此帖文嘅證明，以核實獲獎資格。
條款及細則 ( bit.ly/4pWmUrO )
相關資訊：
港島徑(第五段)黃泥涌峽至柏架山道 ( bit.ly/4q2gPtU )
圖片及資料來源：
香港郊野公園