郊野有禮送山曆【峰巒環抱，自然歷史相交織｜解鎖港島徑第六段】歷史、山林、水塘－港島徑第六段係一段自然與歷史交織嘅時光之旅，一邊行一邊尋找昔日香港嘅足跡！
旅程由柏架山大風坳出發，呢度喺19世紀末曾經係「太古企業城」嘅一部份，而世界上第一個載客、以蒸汽推動嘅登山吊車系統，就以大風坳為終點站。當年吊車連接鰂魚涌同大風坳嘅太古休養所，起步前不妨先睇睇兩處遺址嘅解說牌，細味香港早期工業發展嘅故事。
第六段主要以落斜為主，除咗昔日太古企業城嘅痕跡，仲可以探索大潭水塘群嘅古蹟；大潭上水塘、大潭副水塘、大潭中水塘同大潭篤水塘喺1888 – 1917年間相繼建成，共有22項歷史構築物被列為法定古蹟！行經大潭上水塘同副水塘，可以欣賞古典優雅嘅水壩、石砌輸水道、水掣房等建築；置身古蹟群中，群山倒影、綠水環抱，呈現出自然與歲月交融嘅絕美風光。過咗大潭副水塘水壩後，記得留意路左邊一座尖頂花崗石碑－「群帶路石碑」。呢座喺香港開埠初期豎立嘅石碑，屹立超過一百年 ，滿載歷史痕跡，默默見證香港由小漁港蛻變成繁華大都會。即刻去片，解鎖第六段嘅自然與歷史之美！
郊野有禮送！由即日起至1月14日（星期三），完成以下步驟，就有機會成為100位得獎者之一，獲得由郊野公園之友會贊助嘅2026年衞奕信徑山曆同埋紀念布章！
即刻：
1.Like & Share 呢個Post到個人專頁
2.喺呢個Post留言位置Tag兩個朋友入嚟一齊「解鎖港島徑」
3.寫低 #港島徑第六段 令你最為難忘的風景? (分享埋親身影嘅相會更大機會拎到山曆！)
*參加者或需於指定日期內出示已Share 此帖文嘅證明，以核實獲獎資格。
條款及細則 ( bit.ly/4qMmCnv )
相關資訊 ：
港島徑(第六段)柏架山道至大潭道 ( bit.ly/4qKAYor )
柏架山太古企業城痕跡 ( bit.ly/49QWRM7 )
圖片及資料來源：
香港郊野公園