#郊野有禮送 【一月山曆｜衞奕信徑第一段。赤柱峽道至黃泥涌水塘】
2025年將成為過去，2026年迎嚟衞奕信徑30周年。於1996年啟用嘅衞奕信徑係香港第四條長途遠足徑，由南到北貫穿香港郊野縱軸，橫越8個郊野公園，途經5個法定古蹟。新一年山曆，繼續帶大家翻山越嶺，逐段欣賞衞奕信徑78公里風景線。
第一段由赤柱峽道至黃泥涌水塘，短短4.8公里但充滿驚喜。一起步先挑戰孖崗山無盡天梯，攀升接近300米，但汗水換來嘅壯闊景致令人難忘，赤柱半島、螺洲、蒲台島等港島南岸風景一覽無遺，加上冬日漫山遍野盛開嘅大頭茶相伴，勞累感馬上減半。走完南北兩崗急降到紫崗橋，前面仲有海拔超過400米嘅紫羅蘭山 ，睇落前路漫漫，但一步一風景，大潭水塘群伴隨攀升高度漸入眼簾，再次回望身後南、北兩崗，由另一角度感受孖崗山氣勢。攀過紫羅蘭山山頂後，港九兩岸繁華城市大景驟然撲面而嚟，山與城近在咫尺，成為到達黃泥涌水塘前最懾人嘅風景，亦是香港郊野與城市為鄰的印記 。
即刻去郊野樂行網站睇下衞奕信徑(第一段)嘅交通資訊，仲有沿途靚景相 ！
( bit.ly/4qto7qo )
提提你：
衞奕信徑(第一段)屬高難度路線，全程急升急降，平緩路段甚少，想挑戰需要良好體力及充足預備
如想中途退出，可於淺水灣坳紫崗橋下撤至淺水灣
郊遊時請帶備充足飲用水、防曬用品、食物及裝備。近日氣溫下降，山上當風，請注意保暖，帶備足夠保暖衣物
農曆新年前後，紫羅蘭山係欣賞吊鐘花嘅熱點，山路狹窄，請互相禮讓，共享美景
出發前務必留意天氣預告；出發後亦要時刻注意天氣情況，預留充足時間天黑前落山
想拎到實體山曆？由即日起至1月4日（星期日），完成以下步驟，就有機會成為100位得獎者之一，獲得由郊野公園之友會贊助嘅2026年衞奕信徑山曆同埋紀念布章！
即刻：
Like & Share 呢個Post到個人專頁
喺呢個Post留言位置Tag兩個朋友入嚟
寫低 #你最喜愛衞奕信徑邊段嘅風景？ (分享埋親身影嘅相會更大機會拎到山曆！)
*參加者或需於指定日期內出示已Share 此帖文嘅證明，以核實獲獎資格。
條款及細則 ( bit.ly/4siI6ty )
山曆可以按以下連結下載 ( bit.ly/3ktCvCY )
(教材2026 山曆 1月－衞奕信徑第一段。赤柱峽道至黃泥涌水塘)
圖片及資料來源：
香港郊野公園