【 收到變種「保險到期」短訊? 一撳呢個連結就出事！ 】
最近好多人都收到假銀行、支付平台或者保險公司短訊，話你「微信保險」或者其他保險就快到期，要你即刻點擊連結取消，唔係就會喺你戶口扣錢！通！通！都！係！假㗎！
記住呢兩點，保障自己：
可疑連結，千祈唔好撳！
去咗假網站，就會俾人偷晒銀行資料同轉走晒戶口啲錢！
無「#」號？銀行SMS都唔好信！
通訊辦依家有「短訊發送人登記制」，銀行SMS都會有「#」號開頭！如果收到無「#」號又話係銀行嘅SMS，仲要叫你撳連結？咁就肯定係呃人，唔使理佢！
圖片及資料來源：
反詐騙協調中心