【「流動健康教育車」 29/11 – 11/12 走勻各區提供免費健康諮詢】
疫情，令老友記少咗出街，亦間接減少咗佢地接受身體檢查同評估嘅機會，而且因為擔心會被感染，即使身體唔舒服都唔肯去求診。
見到呢個情況，我哋負責「五星健康五星家」社區健康教育計劃嘅同事就諗，點樣先可以深入民居，做到街坊最需要嘅健康支援呢？「流動健康教育車」就因此而誕生。
香港紅十字會社區健康教育計劃經理 Dorothy（何詠琪）話：「噚日第一日出車去慈雲山，反應好熱烈，有街坊話佢哋都真係好耐無檢查過血壓血糖，疫情下費事出街去咁遠，流動車就响屋企左近，覺得好方便同埋放心啲。」
呢架滿載住同事嘅熱誠、關懷同愛，以及大量健康資訊嘅「流動健康教育車」由今日開始，一連兩個禮拜會走訪香港各區，每日朝十晚五為街坊送上最專業嘅健康諮詢，同各種免費嘅身體評估。除咗檢查血壓、血糖同體脂，仲會用無創血管檢測儀去檢驗血管硬度，以及提供跌倒風險評估。教育車入面仲有不同遊戲，等大家了解更多關於卡路里、糖份同心血管疾病嘅知識，提高大家對健康資訊嘅認知。
快啲睇下個時間表，即場嚟做免費嘅身體評估，到時見～
香港紅十字會「五星健康五星家」社區健康教育計劃簡介：( www.redcross.org.hk/tc/community_healthcare/fivestars.html )
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港紅十字會 Hong Kong Red Cross