【氣候韌性嘉年華動手動腦學備災 】
你知唔知自己住緊嘅家居環境有咩潛在危機？
緊急情況下使用嘅逃生包係要點樣執？
咩類型嘅電器係安全又環保？
如果你有以上嘅疑問，咁就唔可以錯過香港紅十字會 3月26至27日喺將軍澳新都城中心舉辦嘅「氣候韌性嘉年華」啦 到時你可以用新穎有趣嘅方式學習實用嘅備災知識，了解「氣候韌性」，仲有機會親手製作可愛嘅空氣草盆栽，綠化家居環境。
除此之外，香港紅十字會仲預備咗豐富嘅禮物派畀參加者，有得玩，又有禮物，仲要免費𠻹 聽到都覺得吸引仲等咩呀？快啲記低日子，叫埋朋友家人一齊參加啦！ 即睇活動詳情
日期：2023年3月26 (星期日) 至 27日 (星期一)
時間：上午11時至下午6時
地點：將軍澳新都城中心三期一樓中庭
內容：
備災展覽
遊戲攤位
 空氣草DIY工作坊 (即場報名，額滿即止)
費用：免費入場
圖片及資料來源：
香港紅十字會 Hong Kong Red Cross