叮叮載愛 健康「童」來 蛇年「童」慶新春賀年電車

【叮叮載愛 健康「童」來】賀年叮叮恭賀市民平安健康

香港電車及兒童癌病基金攜手呈獻「蛇年『童』慶新春」賀年電車 已經注滿動力，準備好喺新春期間穿梭港島鬧市，帶大家拜個好年！！

呢架咁色彩繽紛嘅電車由多位病童共同創作，車身上嘅「2025」字句喺佢哋嘅彩筆下，變化成可愛靈蛇，扭動自如，活潑可愛嘅電車大使「叮叮貓」率領一班小朋友齊賀新禧，同手繪炮仗、紅燈籠、金元寶等互相輝映。

如果大家有緣遇到呢架電車，記得把握機會打卡喇！