曾經有一晚，渣哥親眼目睹店前有公公婆婆為了口罩，通宵達旦排隊
佢哋年輕時用心用力去打造香港，到老來為求自保，在冷血三無政府無恥無能無為之下，竟然要捱更抵夜，風吹雨打，就只係想買個口罩
渣哥同大家一樣，非常之擔心肺炎，
但更痛心佢哋失去尊嚴！
渣哥一直都一句不提，其實好早已經俾哂錢，撲咗口罩都好耐，因為品質，清關，禁出口等種種原因拖到依家。
今次一係唔嚟，一嚟就兩邊渠道都有，渣哥除咗留起少部分提供俾員工，保障佢哋必定足夠自用之外，其餘都會免費送哂出去，希望可以幫到有需要嘅老人家
嗱，渣哥至怕煩膠，亦唔鐘意矯情做Show，以下呢件事只會講一次，唔會日日出Post數住。
由現在起，其實經已暗中開始咗，唔知邊日，唔知幾點，在大渣哥茶記，一向嚟幫襯開嘅你，照舊堂食完埋單時，渣哥會隨意隨時隨機抽樣突然免費交給你一包10個口罩，然後希望你發揮香港人獨有嘅獅子山下互助精神，幫幫渣哥手
【齊心抗疫，幫幫老人家】
渣哥拜托你，麻煩你將包口罩轉交俾一位你認為有需要幫助嘅老人家
渣哥出口罩你出力，
渣哥渣友齊抗疫！
香港人加油！
可能大家手上未必會有多出嘅資源，但愛心爆棚就肯定不用置疑，我深信你哋絕對願意伸出援手，渣哥團隊無言感激
我哋大家人傳人，不過唔係病毒！
係愛心
渣哥採用以上方法，係考慮到以下幾點原因，若然未能盡善盡美，請多多包涵
1， 拖到最後一刻先講，係避免老人家又山長水遠過嚟，更甚要通宵捱更抵夜排隊。
當你見到呢個Post嘅時候，啲口罩可能經已派得八八九九，所以千祈唔好嚟排隊。
2 ，入得到大渣哥嘅，都係渣友，又要驗體溫查手帶，仲要有香港身分證，我哋信錯人嘅機會極微。
3 ，渣哥再次聲明，照舊簡簡單單，不會放置捐款箱，不會接受任何捐款，不會接受任何物資捐助。
渣哥一向不喜歡慷他人之慨，一切支出費用會由渣哥團隊自掏腰包，一力承擔。
所有口罩會完全免費，大家唔使旨意我哋肯收你錢，任何人又葉問上身咁攞啲錢出嚟推嚟推去，小心俾渣哥狂小甚至鶳敬請自律
明白嘅喜歡嘅，感激你
唔明白嘅唔喜歡嘅，理9得你
更多口罩資訊： bit.ly/2T4Wjuj
圖片及資料來源：
渣哥 一九九六
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。