香港郵政 發行 「祝賀中國香港代表團在東京2020奧林匹克運動會取得卓越成績」郵票小型張

【突發消息】

香港郵政將會喺10月28日（星期四）發行以「祝賀中國香港代表團在東京2020奧林匹克運動會取得卓越成績」嘅郵票小型張同相關郵品。

即日起接受訂購，截止日期為9月21日（星期二）。‍‍

第32屆奧林匹克運動會7月23日至8月8日喺日本東京舉行，中國香港代表團出戰多個主要項目，仲係當中六個比賽項目入面發揮出高水平嘅表現，勇奪獎牌—包括男子個人賽花劍金牌、女子二百米自由泳銀牌、女子一百米自由泳銀牌、乒乓球女子團體賽銅牌、空手道女子個人形賽銅牌同女子場地單車爭先賽銅牌，創造歷史佳績，全城歡欣鼓舞，引以為傲。

為慶祝中國香港代表團喺奧運會嘅傑出成就，香港郵政特意發行一張以「祝賀中國香港代表團在東京2020奧林匹克運動會取得卓越成績」為題嘅郵票小型張。郵票小型張上面嵌有一套五枚全新設計嘅郵票，分別展示咗劍擊、游泳、乒乓球、空手道同場地單車項目。郵票小型張上仲印咗香港嘅奧運得獎健兒比賽同獲獎嘅動人時刻。

想重溫一幕幕振奮人心嘅場景？仲唔快啲訂購！
( bit.ly/3yiifVA )

如有任何疑問，歡迎致電集郵組熱線27855711查詢☎。