【強檢消息】10 月 5 日 66 個指明地方被納入強制檢測公告

【強檢公告】因應多宗陽性檢測個案，62 個指明地方被納入強制檢測公告；另外，因應喺何文田、荔枝角同天水圍採集到檢測呈陽性嘅污水樣本，有 4 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。

政府聽日會喺赤柱龍德苑同青衣長康邨重開流動採樣站，位於樂富橫頭磡邨嘅流動採樣站會延長服務日期至 10 月 7 號。另外，因更換服務承辦商，位於以下地點嘅社區檢測中心同流動採樣站聽日會暫停開放：東頭社區中心、元朗市東社區會堂、維多利亞公園、何文田公園、保安道遊樂場、荃灣公園、烏溪沙站公共運輸交匯處、大興社區會堂。