【強檢消息】9 月 26 日 65 個指明地方被納入強制檢測公告

【強檢消息】因應多宗陽性檢測個案，56 個指明地方被納入強制檢測公告；另外，因應喺西灣河、大埔、藍田、將軍澳同沙田採集到檢測呈陽性嘅污水樣本，有 9 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。政府聽日會喺柴灣興民邨、南區石排灣邨、樂富德強苑同荃灣象山邨重開流動採樣站，而位於葵涌石蔭東邨嘅流動採樣站會延長服務至 9 月 28 號；即 click 入連結睇睇邊個檢測點最方便你。