【強檢消息】因應多宗陽性檢測個案，35 個指明地方被納入強制檢測公告；另外，因應喺柴灣、筲箕灣、黃大仙同天水圍採集到檢測呈陽性嘅污水樣本，有 8 個指明地方被納入強制檢測公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。由於部分流動採樣站喺今日 3 號熱帶氣旋警告信號生效期間關閉，位於赤柱馬坑邨、深井海韻花園同浪翠園嘅流動採樣站聽日會恢復運作，而葵涌安蔭邨嘅流動採樣站就會延長服務到禮拜六；Click 連結睇睇其他檢測點嘅位置
圖片及資料來源：
政府新聞網