【強檢消息】8 月 19 日 60 個指明地方被納入強制檢測公告

【必須遵守】因應多宗陽性檢測個案，59 個指明地方被納入強制檢測公告；另外，因應喺天水圍採集到檢測呈陽性嘅污水樣本，有 1 個指明地方被納入強制檢測公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。另外，政府聽日會喺田灣嘉隆苑同葵涌石蔭東邨重開流動採樣站，而喺樂富橫頭磡邨嘅流動採樣站會延長服務日期至 8 月 21 號。另外，為配合舉辦地區活動，由 8 月 25 號起，喺黃大仙廣場嘅流動採樣站會停止運作，而鄰近嘅睦鄰街遊樂場流動採樣站將提早喺每日早上 8 點開始運作，市民可繼續使用該流動採樣站或區內其他檢測點；入連結睇睇邊個檢測點最就腳