【人痘牛痘猴痘分不清】
自2022年5月中起，歐洲、美國及澳洲等國家分別出現「猴痘」病例。
未聽過咩係「猴痘」？等我哋同大家講解吓~
猴痘由猴痘病毒引起
症狀：喺感染後嘅首數天出現發燒、劇烈頭痛、肌肉痛及淋巴結腫大。發燒後約1至3日，口腔內會出現潰瘍，身體其它部位會出現皮疹。病徵一般持續2-3星期，患者通常會自行痊癒。
傳播：與受感染嘅動物、人、或受污染嘅物件接觸，就有機會受感染。如被野生動物咬傷、抓傷，或直接接觸其體液，都可能會受感染。直接嘅體液接觸 (例如性接觸)，長期面對面嘅飛沫傳播，亦可能令病毒人傳人。
治療：香港目前沒有針對猴痘嘅疫苗或抗病毒治療嘅註冊藥物。但最近喺歐洲則批准咗一種新嘅抗病毒藥物治療猴痘。
雖然現時猴痘未有跡象會喺香港爆發，但大家前往受猴痘病毒影響嘅地方都應該採取預防措施，減低受感染風險：
避免與患病嘅人或動物接觸
徹底煮熟肉類才進食
如有任何可疑病徵，記得及早求醫
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港紅十字會 – 急救與健康