【緊急捐血呼籲】
血庫存量極低，只有約三日存量。中心緊急呼籲市民盡快前來捐血，以確保病人有足夠血液作適切嘅輸血治療。
受第五波疫情影響，近日血液收集量更跌至不足300包，實在不足以應付全港醫院每日所需。公立醫院正值服務高峰期，無論緊急手術、急症室、器官移植、地中海貧血症以及血癌病人等，治療過程中都需要用上大量血液。
為咗應對疫情，中心已採取嚴格嘅感染控制措施，確保捐血者及血液安全。中心鼓勵市民捐血前先預約，你可以致電預約熱線2710 1333（辦公時間內）或致電捐血站預約捐血，亦可以透過中心網站或者流動應用程式HK Blood預約你嘅捐血時段。捐血前預約，可以減少輪候時間、避免人群聚集。
農曆新年期間，大部分捐血站照常開放，方便大家前來捐血。血庫存量極低，極需要你嘅幫助。一齊喺新年前後伸出援手，幫助病友平安渡過「年關」！
農曆新年假期捐血站開放時間：( www5.ha.org.hk/rcbts/news/news20220121 )
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
Blood for Life 熱血使命 (HK Red Cross BTS 香港紅十字會輸血服務中心)