喜閱．飛越 快閃圖書館 之 堅尼地城 篇

【快閃圖書館之 #堅尼地城 篇】

#快閃圖書館 又再出動，歡迎一家大細一齊嚟玩喺12月11日（星期日）朝早11點至傍晚6點，我哋將會閃去堅尼地城 #卑路乍灣海濱長廊，歡迎大小朋友齊齊嚟睇書玩遊戲～即刻睇下呢場 #閱讀嘉年華 有咩焦點活動：

1. 「喜」動圖書館：小型活動車入面有唔同書籍，上車睇又得，借走睇亦得，仲有填色、手工、桌上遊戲等活動可以玩！記住帶圖書證借書呀‍～
2. 休閒閱讀區暨主題書籍展覽：我哋準備咗傳統習俗嘅書，到時可以坐低喺閱讀區慢慢睇。
3.趣味工作坊：全日都有小手作、小玩意畀小朋友同家長一齊動手做鬆一鬆～
4. 點子小劇匠：仲有經典釣魚遊戲可以玩～小朋友會收到故事小劇本，再喺魚池釣出唔同嘅故事卡，一邊玩一邊創作屬於自己嘅故事劇本。
5. 童話迷宮滾滾球：配合童話故事嘅滾球迷宮遊戲，仲準備埋相關嘅童話故事書畀大家睇～
6.電子閱讀體驗：試用公共圖書館豐富嘅電子書同電子資料庫，有疑難可以即場搵專人解答‍。

特備節目
兒童故事時間（當日下午3:00至4:00）：玩到攰攰哋，小朋友可以坐低聽故事大使講故仔～提提你，記得喺活動開始前30分鐘即場報名呀‍！