【五臟養生之旅 樂此不「脾」】
走過「心」、「肝」、「肺」，係時候跑一趟脾臟啦。脾又被稱之為後天之本，氣血生化之源，究竟典解呢？
其實我哋進食之後，食物會先經過胃消化，再由脾將營養化生為氣血，再運輸到全身各個臟腑，所以脾胃一齊肩負住我哋全身嘅能量來源。咁「脾」氣好，身體仲唔樂此不「脾」？
不過脾胃一旦虛弱，就有機會出現疫倦乏力、食欲不振同肚脹脹等症狀。而養脾要記得同時養埋胃呢個難兄難弟。脾忌濕忌刺激，因此健脾養胃記得要祛濕，定時、定量咁進食同埋飲食清淡。
健脾養胃又點少得煲啖靚湯呢？小編就私心推介四神湯俾大家，係一款適合一家大細飲嘅藥膳湯。四神，其實係指四味藥材——芡實、茯苓、蓮子、山藥。芡實、茯苓健脾祛濕，山藥補脾養胃，蓮子補脾清熱。
四神湯
芡實、茯苓、山藥、蓮子各約20克
1.用水將藥材浸泡15分鐘，浸泡後多搓洗幾次，去掉黃水
2.將藥材放進鍋裏，加1公升水，煮30分鐘（也可視乎口味適量放入瘦肉煲）
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
醫院管理局 Hospital Authority