【紫菜檢測報告點睇】
#食安妹妹：紫菜除咗可以當小食，仲可以用嚟包壽司或者飯糰。有機構抽取咗市面出售嘅即食紫菜樣本（包括零食紫菜、壽司或飯團用紫菜及紫菜絲），進行金屬污染物及營養素嘅含量檢測。
食安有話兒：
就該機構嘅測試結果，食安中心嘅風險評估顯示，所有樣本嘅金屬污染物含量，喺一般食用情況下唔會影響健康，亦符合法例要求
以鎘含量最高嘅樣本為例，市民每個月要食240片約A4紙咁大嘅壽司用大張紫菜先會超出「健康參考值」
本港法例規定，所有喺香港出售嘅食物，無論係本地生產定係進口嘅，都必須適宜供人食用
根據《食物攙雜（金屬雜質含量）規例》（《規例》），任何人都唔可以出售金屬含量足以危及或者損害健康嘅食物。食安中心亦會進行風險評估，以斷定有關食物嘅相關金屬含量係咪對健康構成危險或者損害健康
現時，《規例》中訂明新鮮海藻中無機砷嘅含量上限為每公斤1毫克；而食品法典委員會同埋歐盟則未有就作一般食用嘅新鮮或者乾海藻訂定金屬污染物嘅上限
食安提示：
海藻（例如紫菜）含豐富碘，能提供身體所需
市民應該保持均衡飲食，購買預先包裝食物時，應閱讀營養標籤，選擇鈉含量較低嘅產品
#紫菜檢測報告點睇 #食安有話兒
#以上係食安中心分析某機構嘅調查報告結果
#所有樣本嘅金屬污染物含量喺一般情況下食用唔會影響健康
#一般嚟講污染物攝入量低過健康參考值唔會構成健康問題
#金屬污染物含量 #符合本港法例要求 #保持均衡飲食 #睇營養標籤 #揀鈉低啲嘅
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
食物安全中心 Centre for Food Safety