【#郊遊樂 立體月曆香港瘰螈】
為大家介紹本港「螈」居民 – 香港瘰螈。
香港瘰螈嘅外形成日被人誤會佢哋喺璧虎，其實佢哋喺香港唯一有尾巴嘅兩棲類。
香港瘰螈有獨特求偶同產卵嘅方式，9月左右就會返溪澗搵伴侶，雄性會搧動條尾發出費洛蒙去吸引雌性。成功交配後雌性瘰螈會喺石菖蒲葉片中間產卵，除咗會擠壓葉片去保護啲卵，仲會喺周圍徘徊，睇實佢嘅仔仔女女🫶～
#香港遠足挑戰 站點6 – 飛鵝山觀景台嘅物種獎章就係香港瘰螈啦！
知多啲～
香港瘰螈鐘意住喺清澈溪流，大家郊遊時保持淡水生境清潔，就喺保護緊香港瘰螈啦。
（教育資源其他教育資源教材立體月曆10月 – 香港瘰螈）
立體香港瘰螈月曆DIY教學：
1. 將紙樣印落A4紙
2. 沿線剪出香港瘰螈（底座果度剪到去果個位就要停啦～）
3. 摺好接駁位（虛線部位），將底座組裝好
4. 完成！
提提大家：
可以印落硬啲嘅紙度，咁立體月曆就可以穩固啲啦～
小朋友用較剪時要小心，或可與家長合作完成～
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港郊野公園 Hong Kong Country Parks