【綠築仔帶大家遊冬奧：首都體育館&國家游泳中心】
唔經唔覺2022年北京冬奧已經接近尾聲，仲有最後兩日，大家記得緊貼最後嘅賽事，千祈唔好錯過同國家代表團打氣嘅最後機會！ 綠築仔喺冬奧期間帶大家了解咗好多關於冬奧場館嘅環保建築元素，最後一站就帶大家睇睇首都體育館同國家游泳中心啦。
兩個場館其實都係2008北京奧運嘅比賽場館，透過改建成為冬奧比賽場館，實現咗場館可持續發展。國家游泳中心即係北京奧運期間被稱為「水立方」嘅游泳及跳水比賽場館，係冬奧就搖身一變成為冰壺同輪椅冰壺項目嘅場館，化身「冰立方」，完美實現「冰水轉換」！而曾經係北京奧運排球比賽場館嘅首都體育館，喺冬奧就變成短道速滑同花樣滑冰嘅比賽舞台，仲可以喺同一塊冰面上同時舉辦兩項賽事。
短道速滑以及花樣滑冰兩項賽事對冰面厚度及溫度有唔同嘅要求，首都體育館需要根據賽程不斷進行兩塊冰面嘅快速轉換，所以採用咗「二氧化碳跨臨界直冷制冰系統」，製冰系統換熱效率更高，可以兩小時就做到場地轉換。冰場頂部仲安裝咗巨型投影屏幕，超清記錄每項比賽賽事。
而國家游泳中心就係世界上首個喺泳池上蓋設置冰壺賽道嘅場館，所以場館喺改造嘅時候同時採用咗大量可降解、可再生嘅材料，以達到減廢減碳嘅目標。此外，場館採用咗「賽場溫度分區控制」，同一區域分別設置三個溫度區，包括冰面-8.5、冰面以上1.5米8至12、觀眾席16至18。既能確保比賽用嘅冰唔會融化，滿足冰壺比賽對冰面嘅需求，又可以照顧到觀眾嘅體感溫度。
———————————————————————————————————
關注環保之餘，你又對冬奧認識幾多呢 ? 等綠築仔考下你
「首都體育館同國家游泳中心喺北京奧運時分別係咩項目的場館？」
而家只要
1. 留言講出正確答案
2. 再講一句同香港冬奧代表團運動員打氣嘅說話
3. 分享帖文並讚好「香港綠色建築議會」專頁
就有機會獲得Green Common @Green Common $100 現金券 【有效期2022年12月31日】
名額三位，等綠築仔叫埋班朋友仔一齊参加呢個小遊戲先！
而Green Common係世界首間一站式集合超市、餐廳、廚藝教室嘅綠色素食生活館，並將「Food 2.0」概念帶到香港，引入以植物為本嘅食材，注重創新以及可持續發展。希望大家認識綠色建築之餘，仲可以支持香港本地綠色商戶～
條款與細則：( bit.ly/32JiY8r )
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港綠色建築議會 Hong Kong Green Building Council