醫管局「中醫門診特別診療服務」由2020年4月推出以嚟，一直為喺本港公立醫院康復出院嘅2019冠狀病毒病(COVID-19)病人提供免費中醫內科門診復康服務~
只要係合資格嘅香港居民，出院後6個月內可以到由醫管局、非政府機構及大學三方協作營運之中醫診所接受最多10次免費嘅內科門診服務。宜家，參與計劃嘅中醫診所已經有14間喇！
有興趣嘅康復者請立即聯絡，然後向中醫診所預約服務喇~ 想了解預約方法同診所地址，可以瀏覽中醫動網頁，或者打熱線2794 3068就有專人解答查詢！
第5波疫情越來越嚴峻，大家除咗緊守防疫措施同加強個人衞生之外，麻煩大家都幫手share呢項服務，令更多康復者可以受惠啦~
圖片及資料來源：
中醫動 HACMK