香港明愛家庭服務 隔離的身心靈之旅 免費線上活動 及24小時熱線

「疫」轉勝 Volume 2
【”Quarancation” 來一趟身、心、靈重整之旅】

第五波疫情持續，好多人都可能會遇到「強檢」或者「隔離」嘅情況。心房子明白呢種感覺真係好難受。不如一齊抱住半杯水嘅道理：面對眼前嘅「隔離」生活，照顧一下自己嘅身、心、靈，比自己一個重整嘅契機。

香港明愛家庭服務 最近為需要接受強制隔離檢疫嘅人士提供一系列有助照顧身、心、靈嘅免費線上活動 及24小時熱線(18288)
課程（費用全免）包括：
個人成長之旅、
身心靈重整之旅、
手作香薰啫喱蠟燭工作坊、
「筆·劃之間」藝術靜心、
靜觀摺紙工作坊等等。

喺隔離期間，心房子會陪伴你，希望大家可以好好照顧自己 ，隔離完後會有一個全新嘅自己。