【強檢消息】10 月 7 日 64 個指明地方被納入強制檢測公告

【強檢消息】因應多宗陽性檢測個案，62 個指明地方被納入強制檢測公告；另外，因應喺馬灣同何文田採集到檢測呈陽性嘅污水樣本，有 2 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。另外，政府設喺樂富橫頭磡邨同馬灣珀麗灣嘅臨時流動採樣站會延長服務至聽日，而馬灣珀麗灣嘅臨時流動採樣站會改設喺 19 座對出有蓋行人通道。