【強制檢測】因應多宗陽性檢測個案，57 個指明地方被納入強制檢測公告；另外，因應喺大埔、長沙灣同馬鞍山採集到檢測呈陽性嘅污水樣本，有 9 個指明地方被納入強制檢測公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。政府聽日會喺薄扶林華貴邨重開流動採樣站，而喺南區石排灣邨嘅流動採樣站會延長服務到 9 月 12 號；即入連結睇睇各個檢測點嘅位置
圖片及資料來源：
政府新聞網