【強檢消息】10 月 12 日 75 個指明地方被納入強制檢測公告

【按時檢測】因應多宗陽性檢測個案，71 個指明地方被納入強制檢測公告；另外，因應喺薄扶林同鰂魚涌採集到檢測呈陽性嘅污水樣本，有 4 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告；政府聽日會喺香港仔漁光村、薄扶林華富（一）邨同深井縉皇居增設臨時流動採樣站，而位於南區置富花園嘅臨時流動採樣站會延長服務至禮拜五。