【強檢消息】9 月 12 日 74個指明地方被納入強制檢測公告

【強制檢測】因應多宗陽性檢測個案，46 個指明地方被納入強制檢測公告；另外，因應喺觀塘、大埔、沙田同馬鞍山採集到檢測呈陽性嘅污水樣本，有 28 個指明地方被納入強制檢測公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。政府聽日會喺樂富康強苑、葵涌安蔭邨同洪水橋洪福邨重開流動採樣站，而喺黃大仙竹園北邨嘅流動採樣站會延長服務日期到 9 月 14 號。