【新冠肺炎輕症患者留家隔離小貼士】
啱啱醫管局發出咗緊急呼籲，感染咗新冠肺炎嘅年青及輕症患者需耐心在家等候。患者喺屋企覺得唔舒服可以點做？等我哋藥劑師為你解答啦！
1. 多飲水、多休息有用嗎？
新冠肺炎嘅輕症患者多數會出現發燒、肌肉痛、疲倦、咳嗽、喉嚨痛等徵狀，大部分患者無需要到醫院都會在數星期內痊癒。多休息、多飲水有助增強我哋自身嘅免疫力去對付病毒，多飲水亦可以預防身體脫水。
2. 有輕微徵狀，食必理痛幫到手嗎？
「必理痛」係一種常見嘅止痛退燒藥牌子名，成份為：「Paracetamol 撲熱息痛」。呢隻藥唔能夠殺滅新冠病毒，但就有助舒緩新冠肺炎所引起嘅發燒、頭痛等徵狀。除咗必理痛，布洛芬（Ibuprofen）亦有助舒緩發燒、肌肉痛等徵狀。另外，止咳藥亦可以舒緩乾咳徵狀。布洛芬（Ibuprofen）和止咳藥的禁忌症和注意事項比較多，服藥前應先諮詢藥劑師或醫生。居家隔離期間應避免外出，以免散播病毒，因此有需要嘅話可以預先到藥房配定一啲平安藥，以備不時之需
3. 萬一不幸確診了新冠肺炎，咩情況需要立即到急症室？
呼吸困難（無法完整講出一句句子或情況於一小時內急劇惡化）
胸口持續疼痛
咳血
發冷、冒汗、皮膚蒼白或出現斑點
神志不清
小便量大幅減少
Omicron變種病毒傳播力強，大家記得要正確佩戴口罩、勤洗手、做好個人衛生先可以有效預防感染！
參考資料：
What to Do If You Are Sick | CDC
How to look after yourself at home if you have coronavirus (COVID-19) – NHS
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
樂善堂社區藥房服務 Lok Sin Tong Community Pharmacy Services