【強檢消息】10 月 24 日 41 個指明地方被納入強制檢測公告

【強檢消息】因應多宗陽性檢測個案，40 個指明地方被納入強制檢測公告；另外，因應喺秀茂坪採集到檢測呈陽性嘅污水樣本，有 1 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。另外，政府聽日會喺薄扶林華富（一）邨、南區石排灣邨同荃灣梨木樹邨重開臨時流動採樣站，而位於洪水橋洪福邨嘅臨時流動採樣站就會延長服務至 10 月 26 號 。