綠在沙田【裸買雜貨店】嘉年華
期間限定，快閃２天!!!
歡迎光臨【裸買雜貨店】
嚟緊11月19同20號，「綠在沙田」將於站內舉行【裸買雜貨店】嘉年華，歡迎大小朋友一齊嚟裸買！
但係呢，請問，咩係裸買啊？
裸買其實係一種去除預設包裝嘅消費模式，消費者唔會受包裝影響，更專注喺產品本身嘅成份、價值、用途等，由於無包括任何包裝品，後續嘅回收亦可省卻。大家按個人實際需要嘅份量選購，「要幾多就買幾多」，減少浪費。
咁今次嘉年華有咩玩？有小遊戲又有禮物！
只要大家自備容器，於活動期間前往「綠在沙田」進行回收，又或者親臨現場回答簡單問題，就可獲得綠色換領幣，憑換領幣就可以換領心儀環保用品，當中包括：環保酵素、自製磨砂膏及家事清潔皂等，仲會派發手工材料試用裝，包括：蜜蠟、茶籽粉等，用完滿意大家就可以去買！
除咗【裸買雜貨店】外，同場亦有環保送物會，一齊過一個環保又豐富嘅週末！
行過路過唔好錯過～
◤站內活動內容◢
活動日期：2022年11月19及20日（星期六及日）
活動時間及內容：11:00 – 17:00 | 【裸買雜貨店】嘉年華 及 環保送物會
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
綠在沙田