【強檢消息】8月24日 23 個指明地方被納入強制檢測公告

【強制檢測】因應多宗陽性檢測個案，18 個指明地方被納入強制檢測公告；另外，因應喺黃大仙同天水圍採集到檢測呈陽性嘅污水樣本，有 5 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。

若喺進行強制檢測期間嘅任何時間，3 號或以上熱帶氣旋警告信號、紅／黑色暴雨警告信號或政府公布嘅「超強颱風後的極端情況」生效，進行強檢期限將會延長 1 天。

而位於室外嘅流動採樣站喺 3 號強風信號或紅雨警告生效期間會關閉。另外 8 號或以上熱帶氣旋警告信號，或黑雨警告生效期間，所有流動採樣站連同社區檢測中心都會關閉。