紅十字會捐血站 成功捐血 免費獲贈 牛仔保溫袋

風雨同行，用熱血救助病人！
超強颱風後，血庫存量降至低水平，中心懇切呼籲大家用熱血，向危難中嘅病人伸出援手，齊心協力盡快補充血庫存量。
各類血型都需要，特別係O型嘅你快啲嚟捐血啦！

捐血者們無私地為病人送上熱血嘅祝福，中心亦想為各位留住溫度、保存熱度！

中心再度推出 #捐血紀念品 牛仔保溫袋，型格設計附拉鏈，帶飯裝嘢唔怕跌。內層附鋁膜保溫棉，冷暖兩用，為所有捐血者留住溫度。即睇領取方法

＊＊＊＊＊＊＊＊＊＊
2023年9月8日至15日期間，喺捐血站或捐血車成功捐血，即可獲贈牛仔保溫袋一個，數量有限，送完即止。