HK Express 台北、台中和高雄 來回機票票價低至港幣 456

試勻各大必食夜市嘅黃金機會嚟啦！直飛台北、台中同高雄來回票價限時低至港幣 456*，年尾飛多轉話咁易！喺網頁版預訂Open-jaw 機票，一次過食盡三個城市！夜市美食私心推介：台北饒河夜市嘅隱世百年小店東發號 – 必試油飯、麵線配肉羹呢個黃金組合！去台中就一定要去逢甲夜市試吓赤鬼牛排同意粉，又大份又好食，罪惡感爆燈！高雄嘅瑞豐夜市小編就推介炸雞排。大排長龍嘅天使雞排更喺當地網路票選裡面，得到過最好食雞排No.1嘅美譽！聽到口水都流哂就不如立即行動，提早計劃行程，早啲清埋年尾啲假，好好獎勵辛苦咗一年嘅自己，順便浸埋個溫泉都仲得

預訂日期：即日至2023年10月5日（23:59）
旅遊日期：2023年10月11日至2023年12月13日

*優惠數量有限，受細則及條款約束。只適用於預訂由香港出發的來回機票﹙包括多城市行程）。票價不包括相關稅項及附加費實際結算金額可隨匯率而變動，以系統顯示為準。