7-Eleven 7仔食檔奶茶日 凍熱奶茶$7

【奶茶對對碰捕捉黃金比例新味道！】

聽講7仔食檔新配方港式奶茶，唔止聞得到奶茶香，仲睇得到咁出色！為咗令茶葉同奶可以完美地融為一體，研發部同事再次出動金舌頭，品盡唔同比例後，最終決定採用茶奶7：3嘅黃金比例，令人嗒出茶餐廳風味！各位金睛火眼又認唔認得出邊格先係黃金比例嘅顏色？

不過搵到黃金比例，都要有靚料先成事‍！茶葉作為奶茶嘅靈魂，當然唔可以馬虎！所以研發部同事進行大搜「茶」後，茶底用上100%斯里蘭卡錫蘭茶葉，將茶味推到最高點！仲去咗拜訪專業拼茶師傅‍，嚴選並混合粗、中、 幼三種茶葉，色香味俱全，打造一層一層甘香醇厚口感～

正所謂一隻手拍唔響，加埋黑白全脂淡奶，100%歐洲自家農場新鮮牛奶製造，奶味天然又香濃；比起一般淡奶濃稠，同茶葉撞埋一齊沖出啖啖厚滑口感，仲有「掛杯」效果𠻹！

嚟7仔食檔食完咁多款港式美食，梗係歎埋杯新配方港式奶茶，嚟一場完整嘅味覺享受！嚟緊10月18日 (即係聽日!!) 就係7仔食檔奶茶日，全日凍熱奶茶都只需 $7 就歎到！仲唔嗱嗱聲叫埋班Friend一齊嚟嗒返杯落肚～

部份貨品只限於指定店舖提供。貨品數量有限，售/換/送完即止。如有爭議，所有價格以個別店舖為準。貨品圖片只供參考。優惠受條款及細則約束，詳情請參閱店內宣傳品。