【世界急救日2023 – First Aid in the Digital World進入急救訓練的數碼世代】
經歷咗疫情嘅洗禮，好多習以為常嘅事情原來都會受到影響，呢個時候就需要發揮嶄新嘅思維。究竟急救訓練可以點樣數碼化？就係你只需要安坐家中透過互聯網，就學習到實用嘅急救技術，仲有即時指導，等你喺有需要嘅時候就有信心發揮所學嘅知識，拯救生命！
今個星期六又係一年一度嘅世界急救日，香港紅十字會一班急救聯盟嘅導師同義工會喺巴士上面，遊走港島唔同嘅街道，同大家分享急救訊息同最新學習模式，仲會有啲紀念品送畀你防下身𠻹。會由 #中環 出發，再經 #銅鑼灣、#北角、一直向港島東進發，想遇到就記住留意吓我哋嘅開蓬巴士啦，到時經過都同我哋揮手say 個hi 呀！
世界急救日2023巴士巡遊
日期：2023年9月16日 (星期六)
時間：上午11時至下午2時
地點：港島區
費用全免，歡迎任何人士參加
小知識：
**國際紅十字會自2000年起，將每年9月嘅的第二個星期六定為「世界急救日」。全球約190個國家紅十字會或紅新月會共同舉辦各式各樣嘅急救推廣活動，向公眾宣傳喺日常出現危機時急救知識嘅重要性，仲提倡保護生命同救人自救嘅精神。活動當日將以巴士巡遊形式，到訪香港島不同地區，向市民大眾宣傳同推廣學習急救嘅重要性。
圖片及資料來源：
香港紅十字會