落咗幾日雨，心情鬱鬱悶悶？我哋就帶嚟一班萌呆新朋友，Cheer up your day！61隻「海鷗」專程由日本瀨戶內飛到香港，係維港岸邊稍作休息同大家見面。
「海鷗港」係日本藝術家木村崇人「風向儀系列」(Kazamidori) 嘅作品。呢個經典系列自2010年就成為「瀨戶內國際藝術祭」嘅常駐展品，國內外遊客都會去打卡！今次係「風向儀系列」第一次衝出日本，係外地展出。
所有「海鷗」都印上黑尾鷗圖案，就好似現實世界嘅海鷗一樣，會隨住海風改變企嘅方向希望減低風阻。木村崇人被海鷗嘅生存智慧驚訝到，同時都明白到古人點解會以雀鳥嘅外形為藍本製作風向儀。
海鷗再加上維港美景構成最治癒嘅打卡點，大家行過海運大廈露天廣場都可以放慢腳步，同海鷗一齊吹吹海風，欣賞維港。
「海鷗港」公共藝術裝置@海港城
日期：即日起展出
地點：海港城海運大廈露天廣場
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
HarbourCity