MCP新都城中心首度聯同台灣超人氣、入場人次超過八千萬次嘅室內木造遊樂園—「木育森林」，攜手打造全港首個集「競技、科學、知識、闖關及療癒」5大元素於一身嘅木製育樂主題樂園「Summer In the Wooderful Land」，主題裝置有多個打卡位，大家可以同沿路嘅多隻小動物一齊合照。小編特別推介以下三大 #打卡able checkpoints，大家記住mark實喇！
第1站 #小浣熊與熊先生
一進入森林，就會見到熱情嘅小浣熊同熊先生stand by喺入口恭候大家，準備為你哋嘅森林歷奇做嚮導！大家經過記住搵佢哋影相，為木育旅程留個紀念！
第2站 #6米高巨型森林樹屋
6米高巨型樹屋絕對係眾多打卡位中嘅精彩亮點！宏偉嘅樹屋除咗有鳥居大家庭之外，仲有可愛嘅小狐狸結伴同你打招呼！
第3站 #動森鞦韆
玩到攰攰地，一於去動森鞦韆靜靜地坐低歇息，同小野豬一齊悠閒咁欣賞森林美景，叉足電再上路！
除咗以上多個打卡位，你仲可以喺Summer In the Wooderful Land參與各式互動體感遊戲同欣賞木藝展覽，快啲嚟同小動物們一齊遊歷森林啦！
【MCP x 木育森林 Summer In the Wooderful Land】
日期：7月15日至9月3日
時間：上午10時至晚上10時
地點：MCP CENTRAL L1 天幕廣場
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
MCP Central & MCP Discovery 新都城中心二期及三期