【 新十五元宵佳節參神路線】
今個星期日就喺新十五 元宵佳節啦 本園當日會延長開放時間至晚上10時，最後入園時間為晚上9時，等大家可以有多啲時間嚟參拜月老 入園嘅善信記得留意返新十五參神路線啦 參神路線就同初一至十四嘅路線一樣，都喺實施單向人流管制，但就多左幾個重要位置，記得要mark實啦
1.月老參拜及月老手繩派發處
位於月老廣場，大家可以喺到拎紅繩，然後參拜月老，祈求天賜良緣🫶下午2時後參拜月老，隨緣樂助，仲可以獲得月老手繩一條，數量有限，送完即止。
2.燈籠派發處
位於正門入口處，下午5時後入園可以獲得精美燈籠一個 拎住燈籠，夜遊大仙祠，數量有限，送完即止。
3.打卡拍照留念區
位於大殿平台五供位置，下午5時後開放俾大家影相打卡，大家仲可以拎住本園提供嘅道具影相！啲道具好靚㗎著埋漢服，拎住道具打卡影相 一定有好多LIKE
4.打卡影相禮物換領處
位於財神宮平台，下午6時後喺大仙祠內影完相 Follow本園Facebook及Instagram，再up相打卡，記得要tag我哋，再Hashtag #黃大仙祠元宵佳節，就可以過嚟換取神秘禮物一份，數量有限，送完即止。
5.嗇色園「雲賞衣裳」華夏淑女漢服展示大賽
漢服比賽會喺晚上7時隆重舉行‼大家如果想目睹漢服嘅精髓，記得喺下午6時45分到鳳鳴樓禮堂觀賽 認識漢服文化。
希望大家元宵佳節參拜月老後，可以成功出pool，搵到心儀對象 預祝大家人月團圓幸福美滿🫶
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
嗇色園黃大仙祠 Sik Sik Yuen Wong Tai Sin Temple