Blue 【藍．惜地球】環保活動 送限量版環保袋

地球係我哋嘅屋企，我哋有責任好似保護自己同身邊摯愛一樣咁愛惜佢
由6月25日起，Blue一連7日會喺尖沙咀 The ONE 舉辦環保活動【藍．惜地球】，希望藉呢個活動推廣環保意識，支持可持續發展！開幕當日仲請到 陳凱琳 Grace Chan 、 梁芷珮 Christy Leung 同時裝設計師及藝術家楊展做嘉賓，一齊睇吓成個活動有咩精彩內容啦

｜回收｜
歡迎大家拎屋企乾淨嘅膠樽同鞋嚟回收，每個回收到嘅膠樽Blue會捐出HK$5畀「地球之友」以表支持，目標係收集到6,000個膠樽！

｜學習｜
現場有 Wheel For Oneness 極地同行 嘅義工們教大家簡單手語，亦有視障人士分享環保相關嘅小故事，並會展出曾去過多個極地嘅「傷健越野人力車」， 東華三院王余家潔紀念小學 嘅學生仲用咗環保油喺車身上繪畫以環保為主題嘅圖畫。仲有填色比賽，得獎者可以得到免費共融證書課程（價值HK$1,888/位）同場亦有「#型糊染」及「#植物印染」等天然染印技術介紹

｜展覽｜
其實好多你以為係垃圾嘅嘢，都可以回收再獲得「重生」機會！想知身邊有咩嘢原來係再生物品？嚟睇吓就知！提提你，現場仲可以拎到限量版環保袋一個

｜打卡｜
同地球合照並唔係太空人嘅專利，活動期間設有巨型藍地球裝置，方便大家盡情打卡之餘其實仲係一個回收箱一齊post相上社交平台，將 #可持續發展 同 #環保 #共融理念宣揚出去

【藍．惜地球】環保活動詳情
地點：尖沙咀 The ONE 地下露天廣場
日期：2023年6月25日至7月1日
時間：上午11時至晚上9時
約定你同摯愛一齊參加，了解多啲點樣守護我哋嘅地球啦

填色比賽之詳請參閱現場攤位資料。
限量版環保袋每日數量有限，送完即止。
塑膠只收已除樽蓋、去招紙及沖乾淨的飲品及個人護理用品膠樽；鞋類則只收7至8成新的運動鞋及平底鞋。廢塑膠會由「綠化行動」負責回收，鞋類則由「曙光計劃」負責處理。