今個星期日有郊野公園遠足植樹日！今次會喺八仙嶺自然教育徑舉行，大家可以早上9點至10點30分喺近新娘潭巴士站登記地點領取樹苗，我哋準備咗大約2000棵，到時靠大家護送樹苗BB去植樹場種植！
依家同大家介紹返當日有機會種植嘅樹苗品種：
石斑木：通常初春已盛開，所以別稱迎春花或春花，係常綠灌木，白色帶粉紅色嘅花瓣極具觀賞價值！
楓香：最易辨認莫過於佢哋呈掌狀有三裂嘅葉！每逢秋季會轉為黃色或紅色，形成獨特美麗嘅楓香林景致，非常受攝影愛好者歡迎；而佢哋果實好似「流星鎚」，小巧可愛！
楊梅：喺夏季，佢哋特別受鳥類歡迎，因為佢呈深紅或紫紅色嘅果實多汁而且味道酸甜！
梅葉冬青：樹名聽落可能有點陌生，但原來佢係經典涼茶「廿四味」嘅材料之一！
參與植樹活動都係想為大自然出一份力！郊遊時記得惜物減廢，自己垃圾自己帶走！
八仙嶺自然教育徑 ( bit.ly/3ZGBQw9 )
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港郊野公園