1938年或之前出生人士申請樂悠咭

各位1938年或之前出世嘅老友記，輪到你申請樂悠咭喇～你哋用緊嗰張八達通，將來用唔到兩蚊搭車優惠㗎！

由即日至10月31日，你哋可以透過八達通App或郵寄申請樂悠咭，第時就可以繼續用兩蚊搭車優惠，屋企人亦可以幫手申請！

溫馨提示：申請期足足兩個月，唔使心急～想知申請進度，記得留意手機短訊！

如果身邊有老友記都係1938年或之前出世，記得提佢哋或者幫佢哋申請喇！