各位 #康文粉，以下係一則特別天氣預告：受今年「#香港流行文化節」影響，一股流行音樂風將會喺4月23號下晝抵達尖沙咀香港文化中心一帶，屆時一眾本地歌手將會以馬拉松式接力獻唱連串經典流行金曲同電影歌曲，仲會唱足5個半鐘！
當日首先帶起呢場流行音樂風嘅係實力派歌手 #夏韶聲、 #陳潔靈 、 #倫永亮、 #岑寧兒、 #林奕匡，仲有新一代「文青女神」 #黃妍 同唱作歌手 #吳林峰，以及組合 #Legacy Band同 #雷柏熹爵士大樂團！佢哋會cross-over多首著名曲詞人嘅經典作品，展現香港流行文化嘅薪火相傳。
緊接喺香港文化中心露天廣場嘅大銀幕將會播放「哥哥」 #張國榮 同「梅姐」 #梅艷芳 演繹嘅電影金曲片段，俾大家一齊重溫幕幕經典嘅電影場口，加上首首歌都可謂耳熟能詳，到時歡迎大家跟住新一代歌手 #羅凱鈴Judas、 #RUMBU、 #薛德勇Monkey同 #梁鐿澄Yanny齊齊唱，齊齊回味兩位巨星嘅風采！
想現場欣賞呢場咁精彩嘅免費戶外《 #聲‧影馬拉松》﹖大家唔駛做特別嘅防風措施，可以4月13日早上10點至晚上10點 實名登記，每次登記最多兩個名額，不設劃位。由於座位名額有限，如報名人數超出限額，將以電腦抽籤形式處理。成功獲取入場券人士將於4月17日經電郵收到二維碼入場券。
「香港流行文化節2023」戶外《聲‧影馬拉松》
2023年4月23日（星期日）
香港文化中心露天廣場Ｃ區（大樓梯位置）
流行音樂會：下午2時半至下午6時半
電影歌曲齊齊唱：下午6時半至晚上8時
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
康樂及文化事務署