「公民教育展覽」又嚟啦！ 約定大家香港書展齊齊玩遊戲贏紀念品
放暑假啦！大人、小朋友最期待嘅暑期活動，梗係唔少得香港書展啦！而「公民教育展覽」亦將會再次喺書展期間舉行。大家唔單只可以了解到有關公民教育委員會嘅資訊，仲可以寓教於樂，享受親子時光之餘，加深對國民教育同公民價值嘅認識。除此之外，公民教育委員會當然都準備咗豐富嘅紀念品，包括「家和萬事興」環保竹纖維隨手杯、「飛泥大灣區」飛行棋及「泥做好公民」磁石記事板等等，仲有其他N款咁多嘅精美紀念品，手快有，手慢冇……
會場除咗有多款有趣互動嘅攤位遊戲外，仲設有AR影相裝置，等大家可以同小泥子、王子及一眾好友合照留念，記錄屬於你哋嘅開心時刻！香港書展下星期三（7月17日）就開始啦，記得自備環保袋，嚟「公民教育展覽」玩遊戲兼掃紀念品啦！
公民教育展覽
日期︰7月17日至23日
地點：灣仔會議展覽中心展覽廳3B「兒童天地」攤位3B-B34
圖片及資料來源：
公民教育委員會 CPCE