機鐵仔機場快綫車站新春快閃、小童免費搭機場快綫

仲有幾日就到龍年新年假喇！ 相信大家都會四出拜年或出席新春活動！ 機場快綫準備左多項活動及優惠同大家歡度佳節！

1. 機鐵仔機場快綫車站新春快閃活動
今年，多個機場快綫車站以唔同嘅祝賀語作佈置。大家快啲趁住一連3日嘅新春快閃活動， 帶埋屋企人同朋友‍去以下機場快綫車站，揾新春造型嘅機鐵仔同埋佢邀請嘅特別嘉賓合照兼接受祝福，一齊感受「龍」曆新年嘅喜悅啦！

2月6日（年廿七）下午3點至5點：青衣站（往機場／博覽館月台付費區內）
2月7日（年廿八）下午3點至5點：九龍站（往機場／博覽館月台付費區內）
2月8日（年廿九）下午3點至5點：香港站（往返機場／博覽館月台付費區內）

2. 小童免費優惠
即日至2024年2月18日，3-11歲嘅小朋友以小童八達通即可免費乘搭機場快綫由市區車站（香港、九龍或青衣站）往返機場站，或由市區車站前往博覽館站，新年出行加倍開心！

3. 團體套票高達63折
無論你係同屋企人抑或好朋友一齊出發，只要一齊去機場快綫客務中心 (博覽館站除外) 購買2-4人同行適用嘅團體套票，即可享高達63折車費優惠，齊齊享受舒適又快捷嘅旅程！

優惠受條款及細則約束。