政府檔案處歷史檔案館今日推出全新專題展覽——「囍存檔案」，誠邀大家蒞臨參觀！
展覽展出超過70件精選展品，同大家一齊探索香港婚姻制度同婚禮習俗嘅發展。展覽涵蓋咗唔少香港婚姻制度發展嘅重要歷史時刻，包括婚姻法例生效前嘅結婚形式、1852年頒布最早的民事婚姻法例、日佔時期締結婚姻嘅有效性，同埋1971年確立嘅一夫一妻制等。 此外，仲會展出「過大禮」物品清單、舊式結婚啟事、大紅花轎迎娶新娘等圖片，同大家重溫昔日香港婚禮習俗！
由今日（2024年9月2日）起逢星期一至五（公眾假期除外），上午9時至下午5時45分開放
九龍觀塘翠屏道13號香港歷史檔案大樓二樓展覽廳
免費入場
參觀展覽之餘，記得喺展覽廳入口處新設嘅立體錯視佈景板「打卡」，同埋完成展覽單張內嘅各項任務，換領精美紀念品（今期紀念品：完成任務（一）可換領一張隨機送出嘅「香港風貌」明信片及完成任務（二）可換領帆布袋一個；所有紀念品數量有限，送完即止）！
圖片及資料來源：
歷史檔案館