愛協寵物夏季健康慶典活動 愛協毛孩九巴

【一日限定「愛協毛孩九巴」開車啦】

好消息，愛協聯同九巴推出全港首架貓狗友善雙層巴士，一齊為公共交通人寵共融邁進一步！

寵物友善巴士將於8月24日由荃灣西開往青衣，畀參加寵物夏季健康慶典嘅大眾同毛孩乘搭。

呢條一日限定嘅穿梭巴士路線將於上午11時30分由荃灣西出發前往青衣城二期及愛協青衣中心；尾班車將於下午5時30分喺愛協青衣中心開出。

費用為港幣30元（包1人1 寵），乘客可預先登記預留座位，或於當日即時登記。由於座位有限，先到先得，建議大家預先買飛留位啦。

為咗確保所有乘客同寵物嘅安全，請大家買飛前先閱讀寵物友善巴士乘搭守則。

今次活動嘅贊助 YAS Hong Kong 會免費為乘客同狗狗提供WALKY狗狗出門保，等大家搭得開心又放心。乘客只要成功買飛同提供所需資料，當日嘅巴士旅程就有保險保障㗎啦。

希望透過今次合作，令公共交通工具日後都可以為寵主提供更方便嘅出行選擇。 遲啲仲會有更多特別路線推出，密切留意著我哋嘅公布啦。