「嘉咸市集•舊墟新語」活動 集齊蓋章送精美禮品

【嘉咸市集•舊墟新語】

睇睇以下選項，剔到一個或以上嘅話，今次推介應該好啱你。

鍾意貓咪
鍾意買餸煮飯
鍾意逛街市
鍾意儲印仔換紀念品

由即日起至2月3日，中環嘉咸街、卑利街、結志街同威靈頓街四條街會化身成為「嘉咸村」，除左買餸可以換領禮品，仲可以見到好多可愛爆燈嘅立體紙藝「嘉咸貓貓」，最啱打卡！

查實呢個名為「嘉咸市集•舊墟新語」嘅活動，由同心網絡主辦，市建局「藝術文化融入舊區」夥伴項目全力支持。咁可愛立體貓咪，就係由職業訓練局青年學院（國際課程）同卓越培訓發展中心(印刷業) 學生，專門為活動設計。

買完餸，記得去埋位於嘉咸市集零售空間UG層嘅Pop-up store 蓋印仔，集齊指定數量蓋章，就有機會得到由學生同兩位著名設計師 Gary Tong 、Kate Kam設計嘅精美禮品一份！

1月27日（星期六）當日，仲有嘉年華玩攤位遊戲同表演睇㗎，唔好錯過！

活動詳情請留意同心網絡Facebook專頁或到Pop-up查詢。