「大健」流動流動車 免費健康風險評估、登記會員送迎新禮物

【呠呠呠「大健」再出動】

‍由3月11日開始，「大健」將會一連六日走遍九龍城區各個地方，護理統籌主任會為各位新會員提供一對一「免費健康風險評估」即場登記成為新會員，仲會有豐富迎新禮物拎添～

現場仲有得即場配對家庭醫生‍，以及為合資格嘅會員登記參與「慢性疾病共同治理先導計劃」～拎資助，做篩查，一齊「早發現，早治理」～

「大健」停泊點：
3月11日 何文田愛民邨昭民樓對出
3月12日 啟德沐翠街(晴朗商場對出)
3月13日 九龍城獅子石道(近九龍城廣場)
3月14日 九龍塘多福道（九龍塘站D出口對出）
3月15日 黃埔花園青樺苑對出
3月16日 欣榮花園(欣榮花園商場對出)

「大健」停泊時間﹕
早上10時30分至下午5時30分

想知道有冇緣份遇上「大健」 咁就要留意圖中嘅停泊日期、時間同地點啦預好「大健」嘅到站時間，準時上車，咁就唔使驚走咗尾班車啦

所有年滿6歲或以上香港居民，只要帶同身份證(並同意開通醫健通)前往「大健」停泊地點，就可以即場免費登記成為會員，拎晒健康同禮物返屋企

「慢性疾病共同治理先導計劃」，資助年滿45歲或以上，沒有已知糖尿病或高血壓病歷的香港市民，進行糖尿病及高血壓篩查，即場登記可獲限定禮品一份

*如反應熱烈，康健站同事會於現場派籌，以避免市民長時間等候，實際安排會按現場情況而有所調動。如有任何疑問，可致電本康健站熱線 2338 3211查詢。

*禮品數量有限，送完即止。如有任何爭議，九龍城地區康健站保留最終決定權。