【識「碳」館開放日】
想參觀 #減碳特工隊隊長（即係我）嘅辦公室？機會嚟啦！
由 #舊灣仔郵政局 變身成 #前灣仔環境資源中心，到而家翻新後成為識「碳」館。館內設有互動體驗裝置，教大家認識 #碳中和，一齊學習同實踐低碳生活。
如果你都有興趣了解吓減碳特工嘅工作，睇吓自己喺「衣食住行」四方面做得足唔足夠 歡迎你快啲登記嚟開放日！名額有限，先到先得～
地點：識「碳」館（香港灣仔皇后大道東221號）
日期：9月22日（星期日）
時間：下午2時至5時正（每節約30分鐘）*
每位參觀者可獲贈 #識碳鬼鬼肩膀毛公仔 一隻
*參觀者必須預先進行網上登記。開放日不設任何工作坊、導賞團環節。
如果今次就唔啱時間都唔緊要~ 因為識「碳」館平日都接受個人及團體預約㗎，到時約埋三五知己慢慢參觀都得！
圖片及資料來源：
環境運動委員會